ដើម្បីទទួលបានបរិញ្ញាបត្រអក្សរសាស្រ្តខ្មែរ និស្សិតត្រូវបំពេញយ៉ាងតិច ១៤១ក្រេឌីត។ និស្សិតត្រូវសិក្សា៣ក្រេឌីតក្នុង១មុខវិជ្ជា ហើយប្រឡងឬការពារសារណាជាប់ជាស្ថាពរ។

កម្មវិធីតម្រូវឱ្យនិស្សិតប្រឡងជាប់ចាប់ពីថ្នាក់ឆ្នាំសិក្សាមូលដ្ឋានរហូតដល់ឆ្នាំទី៣។ ក្នុងឆ្នាំទី៤ បែងចែកជា២កម្មវិធី គឺទី១ និស្សិតត្រូវប្រឡងបញ្ចប់ជាប់ ទី២ ការការពារសារណាបានដោយជោគជ័យ។

និស្សិតដែលអាចចូលរៀនឆ្នាំសិក្សាមូលដ្ឋានបាន លុះត្រាតែឆ្លងកាត់ការប្រឡងជ្រើសរើសដោយទទួលបានលទ្ធផលជាប់ជាស្ថាពរ។

និស្សិតដែលប្រឡងធ្លាក់មុខវិជ្ជាណាមួយក្នុងឆ្នាំសិក្សាមូលដ្ឋានត្រូវប្រឡងសងនៅឆមាសទី២ ឆ្នាំទី១ ឬឆមាសទី១ ឆ្នាំទី២។ បើនិស្សិតប្រឡងធ្លាក់ចាប់ពី៣មុខវិជ្ជាឡើងទៅ នឹងត្រូវត្រួតឆ្នាំសិក្សា។ ក្នុងករណីនិស្សិតបានប្រឡងជាប់គ្រប់មុខវិជ្ជាក្នុងឆ្នាំសិក្សាមូលដ្ឋាន ទើបអនុញ្ញាតឱ្យចូលរៀនឆមាសទី១ ឆ្នាំទី២។

ចំពោះនិស្សិតដែលសិក្សាឆ្នាំទី១ ឯកទេសអក្សរសាស្រ្តខ្មែរ នៅសាកលវិទ្យាល័យផ្សេងៗចង់ផ្ទេរមកសិក្សានៅដេប៉ាតឺម៉ង់អក្សរសាស្រ្តខ្មែរនៃសាកលវិទ្យាល័យភូមិន្ទភ្នំពេញ ដេប៉ាតឺម៉ង់មិនអនុញ្ញាតឱ្យចូលសិក្សាឡើយ ដោយសារមុនចូលសិក្សាឆ្នាំទី១ និស្សិតត្រូវឆ្លងកាត់ការប្រឡងជ្រើសរើស។

វិន័យក្នុងមុខវិជ្ជា(គោលការណ៍ស្ដីពីការវាយតម្លៃ ក្រឹត្យក្រមស្ដីអំពីការលួចចម្លងស្នាដៃអ្នកនិពន្ធ និងការលួចចម្លងពេលប្រឡង...)

និស្សិតបានណែនាំពីរបៀបនៃការប្រើប្រាស់ឯកសារយោង និងការស្រង់ឈ្មោះអ្នកនិពន្ធ

និស្សិតត្រូវមានភារកិច្ចចូលរួមពេញលេញនូវការងារជាក្រុម មករៀនទៀងទាត់ និងធ្វើរាល់កិច្ចការទាំងឡាយដែលគ្រូបានដាក់ឱ្យ។ ជារួមនិស្សិតទាំងអស់ត្រូវ៖