មជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) មានសេចក្តីសោមនស្សរីករាយក្នុងការប្រកាសរៀបចំ «ពិព័រណ៍ការងារ CJCC ឆ្នាំ ២០២៦» (CJCC Job Fair 2026) ដែលនឹងប្រព្រឹត្តទៅនាថ្ងៃទី ៧–៨ ខែវិច្ឆិកា ឆ្នាំ ២០២៦ នៅមជ្ឈមណ្ឌល CJCC។ ព្រឹត្តិការណ៍ប្រចាំឆ្នាំនេះ មានគោលបំណងភ្ជាប់ទំនាក់ទំនងរវាងអ្នកស្វែងរកការងារ និងនិយោជកដែលមានសក្តានុពល បង្កើតឱកាសការងារ ព្រមទាំងជួយគាំទ្រដល់យុវជនកម្ពុជាក្នុងការរៀបចំខ្លួនសម្រាប់អនាគតការងាររបស់ពួកគេ។

នៅក្នុងឆ្នាំនេះ ពិព័រណ៍ការងារនឹងប្រមូលផ្តុំក្រុមហ៊ុនជាង ៣០ រួមទាំងក្រុមហ៊ុនជប៉ុនចំនួន ១០ ដោយផ្តល់ជូននូវឱកាសការងារជាង ១,០០០ កន្លែង ក្នុងវិស័យផ្សេងៗគ្នា។ មិនថាអ្នកជានិស្សិតដែលកំពុងរៀបចំខ្លួនចូលប្រឡូកក្នុងទីផ្សារការងារ និស្សិតទើបបញ្ចប់ការសិក្សាដែលកំពុងស្វែងរកការងារដំបូង អ្នកមានបទពិសោធន៍ដែលកំពុងស្វែងរកការងារថ្មីៗ ឬជាអ្នកកំពុងស្វែងរកការងារធ្វើនោះទេ ពិព័រណ៍ការងារ CJCC គឺជាឱកាសដ៏ល្អបំផុតក្នុងការបោះជំហានទៅមុខមួយកម្រិតទៀតក្នុងវិថីអាជីពការងាររបស់អ្នក។

តើអ្នកនឹងទទួលបានអ្វីខ្លះពីពិព័រណ៍ការងារ CJCC ឆ្នាំ ២០២៦?

អ្នកចូលរួមទាំងអស់អាចចូលរួមក្នុងសកម្មភាពចម្រុះជាច្រើន ដែលត្រូវបានរៀបចំឡើងដើម្បីគាំទ្រដល់ការស្វែងរកការងារ និងការអភិវឌ្ឍសមត្ថភាព រួមមាន៖

• ស្តង់ពិព័រណ៍ការងារ៖ ស្វែងយល់អំពីក្រុមហ៊ុនដែលចូលរួម រចនាសម្ព័ន្ធស្ថាប័ន និងឱកាសការងារដែលពួកគេកំពុងត្រូវការ។
• ការសម្ភាសន៍ផ្ទាល់នៅកន្លែង៖ ជួបពិភាក្សាជាមួយអ្នកជ្រើសរើសបុគ្គលិក និងចាប់យកឱកាសសម្ភាសន៍ការងារផ្ទាល់ជាមួយនិយោជក។
• ការបង្កើតបណ្តាញទំនាក់ទំនង៖ ភ្ជាប់ទំនាក់ទំនងជាមួយតំណាងក្រុមហ៊ុន ពង្រីកបណ្តាញទំនាក់ទំនងការងារ និងស្វែងយល់បន្ថែមអំពីជម្រើសអាជីពផ្សេងៗ។
• សិក្ខាសាលាតម្រង់ទិសអាជីព៖ ទទួលបានចំណេះដឹង និងការណែនាំជាក់ស្តែងដ៏មានតម្លៃ ដើម្បីពង្រឹងការស្វែងរកការងារ និងការរៀបចំខ្លួនសម្រាប់បរិយាកាសធ្វើការ។
• ការលេងល្បែងកម្សាន្តយករង្វាន់៖ រក្សាបរិយាកាសរីករាយតាមរយៈសកម្មភាពអន្តរកម្ម និងល្បែងកម្សាន្តផ្សេងៗ ព្រមទាំងទទួលបានកាដូអនុស្សាវរីយ៍ជាច្រើនពីក្រុមហ៊ុនដែលចូលរួម។

ចាប់ផ្តើមដំណើរអាជីពរបស់អ្នកជាមួយ CJCC

កុំរំលងឱកាសនេះក្នុងការជួបផ្ទាល់ជាមួយនិយោជក ស្វែងរកការងារទំនេរ និងបោះជំហានយ៉ាងមានន័យឆ្ពោះទៅរកអនាគតការងាររបស់អ្នក។ ចូលរួមពិព័រណ៍ការងារ CJCC ឆ្នាំ ២០២៦ ដើម្បីស្វែងរកឱកាសដែលស្របតាមជំនាញ ចំណង់ចំណូលចិត្ត និងគោលដៅអាជីពរបស់អ្នក!

ព័ត៌មានលម្អិតអំពីព្រឹត្តិការណ៍

• កាលបរិច្ឆេទ៖ ថ្ងៃទី ៧–៨ ខែវិច្ឆិកា ឆ្នាំ ២០២៦
• ម៉ោង៖ ៩:០០ ព្រឹក – ៥:០០ ល្ងាច
• ទីតាំង៖ មជ្ឈមណ្ឌលសហប្រតិបត្តិការកម្ពុជា-ជប៉ុន (CJCC)
• ការចូលរួម៖ ចូលរួមដោយឥតគិតថ្លៃ។