សាកលវិទ្យាល័យភូមិន្ទភ្នំពេញ សូមជូនដំណឹងដល់និស្សិតឆ្នាំទី១ដល់៣ នៃឆ្នាំសិក្សា២០២៥–២០២៦ នៅដេប៉ាតឺម៉ង់ព័ត៌មានវិទ្យា ភាសាអង់គ្លេស ភាសាជប៉ុន និងទំនាក់ទំនងអន្តរជាតិ ឱ្យបានជ្រាបថា ដើម្បីជួយសម្រួលការ​សិក្សា ÆON 1% Club Foundation Scholarship នឹងផ្តល់អាហារូបករណ៍ថ្មីចំនួន ៥កន្លែង សម្រាប់ឆ្នាំសិក្សា​២០២៦–២០២៧។

លក្ខខណ្ឌនៃការជ្រើសរើស៖

បេក្ខភាពនិស្សិតគប្បីជា៖

• និស្សិតដែលកំពុងសិក្សាឆ្នាំទី១ដល់៣ នៅដេប៉ាតឺម៉ង់ព័ត៌មានវិទ្យា ភាសាអង់គ្លេស ភាសាជប៉ុន និងទំនាក់ទំនងអន្តរជាតិ ស.ភ.ភ.ព. ​ក្នុងឆ្នាំសិក្សា​២០២៥–២០២៦

• និស្សិតដែលមានពិន្ទុសិក្សាល្អ (CGPA: ៣.០០ ឡើងទៅ)

• និស្សិតដែលមានសុខភាពផ្លូវចិត្ត ផ្លូវកាយ អត្តចរិត និងបុគ្គលិកលក្ខណៈល្អ 

• និស្សិតដែលមានកម្រិតចំណេះដឹងភាសាអង់គ្លេស (ឬភាសាជប៉ុន សម្រាប់និស្សិតដេប៉ាតឺម៉ង់ជប៉ុន) ល្អ 

• និស្សិតដែលពុំធ្លាប់ទទួលបានអាហារូបករណ៍ពីស្ថាប័នណាមួយ រួមទាំងអាហារូបករណ៍របស់ក្រសួងអប់រំ យុវជន និងកីឡា

អត្ថប្រយោជន៍ដែលនឹងទទួលបាន៖       

និស្សិតដែលជាប់ជាស្ថាពរ​នឹងទទួលបាននូវទឹកប្រាក់ឧបត្ថម្ភពីស្ថាប័នម្ចាស់ជំនួយ ​ចំនួន ១,៣០០ ដុល្លារអាមេរិក សម្រាប់មួយឆ្នាំសិក្សា។

និស្សិតត្រូវភ្ជាប់មកជាមួយ៖

• ជីវប្រវត្តិសង្ខេបនិស្សិត (Resumé)​​​​​​​

• ព្រឹត្តិបត្រពិន្ទុដែលមានបញ្ជាក់ពិន្ទុរាល់ឆមាស ចាប់ពីឆមាសទី១នៃឆ្នាំទី១ (ជាភាសាអង់គ្លេស និងជាច្បាប់ដើម)

• វិញ្ញាបនបត្របញ្ជាក់ការសិក្សានិស្សិត ដែលបង្ហាញពីអត្តសញ្ញាណនិងកម្រិតសិក្សាចុងក្រោយរបស់និស្សិត (ជាភាសាអង់គ្លេស និងជាច្បាប់ដើម)

• សំណេរពណ៌នារួម អំពី៖ “Why do I want to become an ÆON 1% Club Foundation Scholarship & My Future Goals”  ដែលមានប្រវែងមិនតិចជាង ៧៥០ពាក្យ

របៀបដាក់ពាក្យ និងកាលបរិច្ឆេទទទួលពាក្យ៖

ការិយាល័យទំនាក់ទំនងអន្តរជាតិ ស.ភ.ភ.ព. តម្រូវឱ្យនិស្សិតភ្ជាប់មកជាមួយនូវសំណៅឯកសារដែលបានបញ្ជាក់ខាងលើ មក​ការិយាល័យទំនាក់ទំនងអន្តរជាតិ នៅបន្ទប់២១៩A ជាន់ទី២ អគារA ដោយផ្ទាល់ នៅរៀងរាល់ម៉ោងធ្វើការចាប់ពីថ្ងៃជូនដំណឹងនេះរហូតដល់ ថ្ងៃចន្ទទី៣១ ខែសីហា ឆ្នាំ២០២៦ ត្រឹមម៉ោង១៦:៤៥នាទី។ 

សម្រាប់សំណួរនិងព័ត៌មានផ្សេងៗ និស្សិតអាចទាក់ទងមកតាមរយៈតេឡេក្រាមការិយាល័យ https://t.me/iro_rupp